- Email [email protected]
- Phone 070 288 988
- Telegram Channel
ការយល់ដឹងពីសិស្ស និងការរៀបចំផែនការ
តួនាទីសំខាន់របស់គ្រូអប់រំពិសេស គឺការស្វែងយល់ស៊ីជម្រៅពីសិស្សម្នាក់ៗ។ ពួកគាត់ធ្វើការវាយតម្លៃ ដើម្បីដឹងពីចំណុចខ្លាំង និងតម្រូវការរបស់កុមារ។ បន្ទាប់មក ពួកគាត់ធ្វើការយ៉ាងជិតស្និទ្ធជាមួយមាតាបិតា និងអ្នកជំនាញផ្សេងទៀត ដើម្បីបង្កើតផែនការអប់រំផ្ទាល់ខ្លួន (IEP)។ ផែនការនេះប្រៀបដូចជាផែនទីបង្ហាញផ្លូវ ដែលកំណត់គោលដៅ និងការគាំទ្រដែលកុមារត្រូវការដើម្បីទទួលបានជោគជ័យ។
ការបង្រៀន និងការសម្របសម្រួលវិធីសាស្ត្រ
គ្រូអប់រំពិសេស គឺជាអ្នកជំនាញក្នុងការបង្រៀនតាមរបៀបផ្សេងៗគ្នា។ ពួកគាត់ចេះកែសម្រួលមេរៀន និងប្រើប្រាស់សម្ភារៈបង្រៀនខុសៗគ្នា ដូចជា រូបភាព វត្ថុពិត រឺ ការលេង ដើម្បីឱ្យស័ក្តិសមទៅនឹងរបៀបរៀនរបស់សិស្សម្នាក់ៗ។ ពួកគាត់បង្រៀនជំនាញសំខាន់ៗដោយផ្ទាល់ ទាំងជាក្រុមតូចៗ ឬម្នាក់ទល់ម្នាក់ ដើម្បីធានាថាសិស្សគ្រប់រូបយល់ និងអាចអនុវត្តបាន។
សេចក្តីសន្និដ្ឋាន
លើសពីការបង្រៀន គ្រូអប់រំពិសេស គឺជាអ្នកគាំទ្រដ៏សំខាន់។ ពួកគាត់ជួយគ្រប់គ្រងឥរិយាបថ តាមដានវឌ្ឍនភាព និងធ្វើការសហការយ៉ាងជិតស្និទ្ធជាមួយគ្រួសារ និងអ្នកព្យាបាល ដើម្បីបង្កើតជាក្រុមគាំទ្រដ៏រឹងមាំមួយ។ នៅ សាលាអប់រំពិសេស ម៉ាយលីតថល ផាមឃីន យើងមានមោទនភាពចំពោះអ្នកគ្រូ លោកគ្រូ អប់រំពិសេសរបស់យើង ដែលប្តេជ្ញាចិត្តជួយសិស្សគ្រប់រូបឱ្យរីកចម្រើន។
